Տորպեդոն ժամանել է Երևան. տեսանյութ

Փետրվարի 23-ին ուսումնամարզական հավաք անցկացնելու համար Երևան է ժամանել Արմավիրի «Տորպեդոն»: Այս մասին հաղորդում է «Բանանցի» պաշտոնական կայքը՝ նշելով, որ «Բանանցի» և ռուսական ակումբի միջև բարեկամական հարաբերություններ են հաստատված: Օդանավակայանից մինչ ՀՖՖ տեխնիկական կենտրոն՝ ֆուտբոլի ակադեմիա, «Տորպեդոյի» ժամանած պատվիրակությանը տեղափոխել է «Բանանցի» ավտոբուսը: «Բանանցը» և «Տորպեդոն» փետրվարի 27-ին մրցելու են ֆուտբոլի ակադեմիայի մարզադաշտումը: Հատկանշական է, որ թիմերը այս տարի նաև հանդիպել էին Սոչիում, այդ խաղն ավարտվել էր 1:1 հաշվով: