Էսկալացիայի հող է նախապատրաստվում․ պաշտպանության փոխնախարար (video)
Սա չի նպաստում բանակցային գործընթացին, վնասում է դրան, ձեռագիրը նույնն է, փորձում են փոքր, լոկալ խնդիրներ ստեղծել, ԱԺ-ում լրագրողների հետ զրույցում ասաց ՀՀ պաշտպանության նախարարի տեղակալ Արման Սարգսյանը՝ անդրադառնալով ՀՀ սահմանին Ադրբեջանի ԶՈՒ իրականացրած գործողություններին։
«Ըստ իմ ունեցած տեղեկությունների, դրանք հեռահար կրակոցներ են եղել, առաջխաղացման որևէ քայլ տեղի չի ունեցել։ Ամեն դեպքում, խուճապի կարիք չկա, որովհետև մենք ապրում ենք այս տարածաշրջանում և, կարծես թե, սովորել ենք այս լարված իրավիճակում ապրելուն։ Պետք է լինենք զգոն, վստահ, որ մեր Զինված ուժերը և ուժային ստորաբաժանումներն անհրաժեշտության դեպքում համարժեք պատասխան տալիս են ու կտան։ Հույս ունենք, որ ադրբեջանական զինված ուժերի այս ապակառուցողական մոտեցումը վերջ կունենա», -ասաց փոխնախարարը։
Հետևեք մեզ Viber-ում
