Տուսկը`ԵՄ-Թուրքիա գագաթնաժողովի մասին
Եվրոպական միություն-Թուրքիա գագաթնաժողովը, որը տեղի կունենա մարտի 7-ին` Բրյուսելում, ուղղված է միգրանտների դեռևս մեծ հոսքը դեպի ԵՄ նվազեցնելուն: «Ռիա-նովոստի»-ի հաղորդմամբ` այդ մասին հայտարարել է Եվրոպական խորհրդի նախագահ Դոնալդ Տուսկը: «Առաջնորդները պայմանավորվել են, որ մեր համատեղ գործողությունների ծրագիրը Թուրքիայի հետ կմնա առաջնահերթություն և պետք է անել ամեն ինչ, որպեսզի այն հաջողվի: Դա նշանակում է, որ միգրանտների մեծ հոսքը, որին մենք դեռևս ականատես ենք, պետք է արագ նվազի: Այդ թվում, ես որոշել եմ մարտի 7-ին Թուրքիայի հետ կազմակերպել հատուկ հանդիպում»,- ասել է Տուսկը` Եվրախորհրդարանում ունեցած ելույթում: Իր հերթին, Եվրոպական հանձնաժողովի նախագահ Ժան-Կլոդ Յունկերն ընդգծել է, որ խոսքը գնում է եվրախորհրդի նիստի մասին` ԵՄ 28 անդամ երկրների և թուրք գործընկերների մասնակցությամբ: Հանդիպման մասնակիցները, նրա խոսքով, կքննարկեն` ինչպես արագ և ամբողջությամբ իրականացնել Շենգենյան արձանագրությունը:
Հետևեք մեզ Viber-ում
