Հերթական ընկերությունը լքեց Ադրբեջանը

Սինգապուրյան Petro Singapore Trading PTE Ltd նավթային ընկերությունը հայտարարել է Ադրբեջանում իր բաժանմունքը վերացնելու մասին: Այս մասին հայտնում է Ադրբեջանի հարկերի գծով նախարարության Vergiler գերատեսչական թերթը: Petro Singapore Trading ընկերությունը ստեղծվել է 2010 թվականին, որի կենտրոնակայանը գտնվում է Սինգապուրում: Ընկերությունը զբաղվում է նավթի, գազի եւ նավթաքիմիական արդյունաբերության արտադրանքի առեւտրով: Ադրբեջանական ԶԼՄ-ներն ավելի վաղ հայտնել են նավթի համաշխարհային գնանկումից հետո Ադրբեջանից բազմաթիվ արտասահմանյան ընկերությունների հեռանալու մասին: