Վարչապետն էն անձերից չի, որ փխկ անեն, փախնի, կարող ա նաեւ խաբել ենք. Հովիկ Աղազարյանը՝ ընդդիմությանը (video)

Ուզում եմ պատմել Աղազարյան Հովիկ-Վարդանյան Աղվան շփման պատմության վիճակագրությունից երեք դրվագ։ Առաջինները չեմ ասի, դրա մասին գիտի ինքը, ես և էլի որոշ մարդիկ։ Ահա այսպես իր ելույթը սկսեց ՔՊ-ական պատգամավոր Հովիկ Աղազարյանը։

«Երբ ես Դաշնակցության անդամ էի, պարոն Վարդանյանի հետ միասին չեմ ասի, որ ընկերներ ենք եղել, բայց շփվել ենք: Իր մասին շատ դրական կարծիքի էի՝ շատ գրագետ, միգուցե մի քիչ մեծամիտ, որը պայմանավորված էր իր ներքին կարողությունների ինքնագնահատականով, սարսափելի բան չկա... բայց մի այսպիսի էպիզոդ․ 1998 թվականին Դաշնակցության Գերագույն ժողովն էր և ես, Հրանտ Մարգարյանի հետ միասին, նախագահում էինք այդ ժողովը, օրակարգի հարցերից մեկի ժամանակ ես և Աղվան Վարդանյանը նույն կարծիքին էինք: Սկզբում ես ելույթ ունեցա, հետո ինքը, հետո ելույթ ունեցավ մեր ընկերներից մեկը, որը հակառակ կարծիքին էր, քննադատեց իմ ելույթը, ես ձայն չհանեցի, հետո քննադատեց պարոն Աղվան Վարդանյանի ելույթը, ես ընդհատեցի իմ հարգարժան ընկերոջը և խնդրեցի, որ իր տեսակետն ասի, ոչ թե քննադատի ընկերոջ ելույթը։ Իմ ընկերն էլ ասաց՝ բա ինչի՞ չընդհատեցիր, երբ քո ելույթն էր քննադատում, ասացի, քանի որ իմ ելույթն էր քննադատում, կարող եմ իմ իրավունքները պաշտպանել և չպաշտպանել, բայց որպես ժողովի նախագահ՝ պարտավոր եմ բոլորի իրավունքները պաշտպանել։

Այս ամենից հետո, պարոն Վարդանյանն ինձ գալիս ասում էր՝ ողջույն, լուսավոր մարդ, ինձ էր ասում։ Անցան ժամանակներ, մենք էլի շփվում ենք։ Մի անգամ հանդիպեցի իրեն անցակետում, որ մտնեինք ԱԺ դահլիճ, ես տեղս զիջեցի նրան, ինքը ասաց հետևյալը՝ միայն ձեր դիակի վրայով։ Դե, սա կարելի է համարել Աղվան Վարդանյանի սարկազմով խոսքերի շարքից, բայց ամեն դեպքում, այդպիսի արտահայտություն արեց»,-պատմեց Աղազարյանը՝ հետաքրքրվելով, թե ի՞նչ տրանսֆորմացիա է տեղի ունեցել Վարդանյանի և իր միջև։

Մանրամասները՝ տեսանյութում