Արցախի, Գլենդելի ու Ավստրալիայի հայերը միևնույն հարթակում (video)
ՔՊ պատգամավոր Գուրգեն Արսենյանը համակարծիք է վարչապետ Նիկոլ Փաշինյանի հետ:
«Ես երկու ձեռքով պաշտպանելու եմ մեր խաղաղության օրակարգը, այն գործընթացը, որ բերելու է հարևան երկրի հետ խաղաղության, այդ թվում՝ տարածքային ամբողջականության փոխադարձ ճանաչումը։ Ես ևս մեկ անգամ վերահստատում եմ իմ աջակցությունը ՀՀ վարչապետին, մեր քաղաքական թիմին և ասում եմ, որ մենք վճռական ենք ՀՀ անունից, ՀՀ ժողովրդի անունից ավարտին հասցնել մեր հարևանների հետ՝ ՀՀ հարևան Ադրբեջանի հետ խաղաղության գործընթացը, ինչպես նաև ՀՀ հարևան Թուրքիայի հետ հարաբերությունների կարգավորման գործընթացը»,-նշեց ՔՊ-ականը։
Պատասխանելով հարցին, թե արցախցիները համաձայն չեն Փաշինյանի որոշման հետ և չեն ուզում, որ Արցախը լինի Ադրբեջանի կազմում՝ Արսենյանն ասաց, որ իրենք առաջնորդվում են ՀՀ պետական շահերով։ «Արցախում ապրում են մեր հայրենակիցները՝ հայերը, Ջավախքում էլ են ապրում հայեր, Գլենդելում էլ են ապրում հայեր։ Մեր պետական գործիչների առաջնային խնդիրը ՀՀ-ի շահերի սպասարկումն է: Մենք կանգնած ենք երկընտրանքի առջև, երբ միտքն ու սիրտը սկսում են հակասել իրար: Երբեմն ՀՀ ազգային շահերի պաշտպանությունը չի համընկնում ՀՀ ազգային շահերի ալգորիթմին», - ասաց Արսենյանը:
Հետևեք մեզ Viber-ում
