«Արմենավարի» մտածող Արմենը

Այսօր Հայաստանի նկարիչների միության ցուցասրահում բացվեց Արմեն Վահրամյանի անհատական ցուցահանդեսը։Իր ծննդյան 55-ամյակի առթիվ կազմակերպած ցուցահանդեսը․ նկարիչը վերնագրել էր՝ «Հետահայաց»:
«Այստեղ ներկայացված են իմ 30 տարվա աշխատանքները,որտեղ առկա է էվոլյուցիա,այդ պատճառով էլ կոչվում է «Հետահայաց»:
Տարվա ընթացքում սա նկարչի 3-րդ անհատական ցուցահանդեսն է,որը նախորդներից տարբերվում է աբստրակցիաների առկայությամբ։
Արմեն Վահրամյանի կինը`  Նաիրա Պապիկյանը, սա համարում է այն 2 անհատական ցուցահանդեսների հունձքը,ապա անդրադառնալով ամուսնու վրձնին ասում է,- «Վահրամյանի գործերը տարբերվում են բոլորից, որովհետև իր գունային աշխարհն ունի,ոչ մեկից չի ազդվում,մտածում է «արմենավարի» »:
Նկարչի լավագույն ընկեր՝ Գրիգոր Մաչենցն էլ հետևյալ կերպ է բնութագրում Վահրամյանին, -«Աշխարհում մնացել է միայն մի բանի վրա զարմանալ.ո'չ արվեստի վրա եմ զարմանում,ո'չ հանճարների, զարմանում եմ՝ վարպետ մարդու վրա,ինչպիսին է՝ Արմեն Վահրամյանը»:
Նկարիչը չի սիրում առանձնացնել իր աշխատանքներից որևէ մեկը,ասում է բոլորի մեջ սեր է դրել և իր վստահությունն է հայտնում ,որ այդ սիրուց բոլորին էլ կհասնի։

Լիլիթ Մուրադյան