Կրեմլն ու Էրդողանի ընտրությունները. Քըլըչդարօղլուի անսպասելի մեղադրանքը

Ողջ աշխարհի ուշադրությունը կիրակի օրը Թուրքիայում կայանալիք ընտրություններն են: Նախընտրական քարոզարշավը թեժ է, ընդդիմադիր թեկնածուն բոլոր հարցումներով ավելի մեծ տոկոսներ ունի, քան Էրդողանը:

Ռուսաստանում մեծ հույսեր են փայփայում, որ Էրդողանի կվերընտրվի: Արտաքին քաղաքական կուրսի փոփոխություն Մոսկվան չի ցանկանում, և էրդողանի հնարավոր պարտությունը ամենացավոտ Կրեմլում կընդունեն:

Ահա, Էրդողանի մրցակիցը երեկ անսպասելիորեն Մոսկվային մեղադրեց Թուրքիայի նախընտրական գործընթացներին միջամտելու համար։ Նախօրեին նախագահի ընդդիմադիր թեկնածու Քեմալ Քըլըչդարօղլուն Թվիթերում գրել է, որ ռուսները կանգնած են «դավադրությունների և կեղծիքների հետևում»։ Թուրք ընդդիմադիր առաջնորդը Թվիթերում գրել էր, որ ռուսները կանգնած են «դավադրությունների և կեղծիքների հետևում» , Մոսկվային կոչ անելով «հեռու պահել ձեռքերը թուրքական պետությունից»:

«Եթե ցանկանում եք շարունակել մեր բարեկամությունը մայիսի 15-ից հետո, հեռու պահեք ձեր ձեռքերը թուրքական պետությունից», - գրել է Քըլըչդարօղլուն:

Նախագահական ընտրությունները Թուրքիայում նախատեսված են մայիսի 14-ին։ Հիմնական մրցակիցներ են գործող նախագահ Ռեջեփ Էրդողանն ու ընդդիմադիր մի շարք կուսակցությունների կողմից առաջադրված Քեմալ Քըլըչդարօղլուն։ Վերջին հարցումների համաձայն՝ ընդդիմության թեկնածուի օգտին պատրաստ է քվեարկել ընտրողների մեծամասնությունը։

Մոսկվան Էրդողանի իշխանության օրոք՝ հատկապես վերջին տարիներին, ակտիվ համագործակցում է Անկարայի հետ։ Թուրքիայի կառավարությունն իր հերթին հրաժարվեց միանալ ՆԱՏՕ-ի կազմում դաշնակիցներին՝ պատժամիջոցներ սահմանելու Ռուսաստանի դեմ ի պատասխան Ուկրաինա ներխուժման:

Այսօր ահա, Կրեմլը հերքեց Թուրքիայի նախընտրական գործընթացներին միջամտելու մասին Քեմալ Քըլըչդարօղլուի մեղադրանքները։ Ռուսաստանի նախագահի խոսնակ Դմիտրի Պեսկովը, արձագանքելով Թուրքիայի նախագահի ընդդիմադիր թեկնածուի հայտարարությանը, հավաստիացրել է, թե Մոսկվան այլ երկրների ներքին գործերին չի միջամտում:

«Մենք բազմիցս ասել և պնդել ենք, որ չենք միջամտում այլ երկրների ներքին գործերին և ընտրական գործընթացներին»,- հայտարարել է Կրեմլի խոսնակը՝ հավելելով. - «Մենք պաշտոնապես հայտարարում ենք այն մասին, որ որևէ միջամտության մասին խոսք լինել չի կարող, և եթե ինչ-որ մեկը պարոն Քըլըչդարօղլուին նման տեղեկություններ է փոխանցել, ուրեմն նա ստախոս է»։

Երկու օրից պարզ կդառնան նախ, երկրորդ փուլ կլինի Թուրքիայի ընտրություններում, թե ոչ:

Թուրքիայի այս անգամվա ընտրությունները բավական հետաքրքիր են աշխարհաքաղաքական իմաստով: Թուրքիան թեև ՆԱՏՕ-ի անդամ է, սակայն ԱՄՆ-ը դժգոհ է Պուտին-Էրդողան ջերմ ու վստահելի հարաբերությունների մակարդակից: Արևմուտքին թեկնածուն այս ընտրություններում Քեմալ Քըլըչդարօղլուն է:

Մետաքսյա Շալունց