Տարրական կուլտուրա չունեք․ Էդմոն Մարուքյանը՝ լրագրողներին (video)
Այս ամենը կարող է շարունակվել այնքան, քանի դեռ խաղաղցություն չի եկել մեր տարածաշրջան, այդ ուղղությամբ բանակցություններ տարվում են: Այս մասին այսօր՝ մայիսի 11-ին, լրագրողների հետ զրույցում նշեց ՀՀ հատուկ հանձնարարարություններով դեսպան, «Լուսավոր Հայաստան» կուսակցության ղեկավար Էդմոն Մարուքյանը:
Հարցին, թե ի՞նչ հանձնարարություն է ինքը կատարում, Մարուքյանը պատասխանեց. «Իմ կատարած աշխատանքի մեծ մասը ոչ հրապարակման ենթակա է: Ես չեմ կարող դրա մասին խոսել, PR անել»:
Ինչ վերաբերում է նրան, որ ինքը ժամանակին սուր քննադատում էր իշխանություններին, հայտարարում, որ դիվանագիտությունը ոչնչացրել են, սահմանները, բնակչությունը կրճատել են, իսկ այսօր իշխանամետ դիրքորոշում ունի, Մարուքյանն ասաց. «Ես շուրջ 10 տարի ելույթներ եմ ունեցել, դրանք տեղադրված են թե իմ պաշտոնական ալիքում, որեւէ ելույթ գաղտնիք չի եղել: Նախկինում ինչ հայտարարություն արել եմ, դա վերաբերվել է այդ ժամանակահատվածին: Այսօր ինչ հայտարարություն անում եմ, վերաբերվում է այս ժամանակահատվածին:
Ես ինձ համարում եմ արտաքին քաղաքական ճակատի ներկայացուցիչ: Ընդդիմադիր ուժի ղեկավար լինելը չի փոխում այն վիճակը, որում հայտնվել ենք: Հիշո՞ւմ եք, որ ասում էի՝ երկիրը պատերազմի մեջ է եւ բոլորս պետք է մեր ներդրումն ունենանք այս վիճակից դուրս գալու համար: Ես իմ օրինակով դա արել եմ: Ընտրական շրջանում մեր այդ թեզը չի գործել, գործել է չագուչի ու մանգաղի թեզը: Ընտրություններում հաղթանակը եղել է այդ ձեւով, մարդիկ բեւեռացված ընտրություն են կատարել: Բայց մենք մեր հայտարարություններին հավատարիմ ենք մնացել:
Այն, որ գնալով վիճակը խորանում է, դա ապացուցում է մեր թեզը, որ պետք է բոլոր տարաձայնությունները մի կողմ դնել եւ բոլորի ներուժը ներդնել երկիրը այս վիճակից հանելու գործին: Այն, ինչ ես քարոզել եմ 2021-ի ընտրություններին, ես դա անում եմ»:
Առավել մանրամասն՝ տեսանյութում:
Հետևեք մեզ Viber-ում
