Նիկոլը Սերժ Սարգսյանին հետ չի պահելու․ Աննա Մկրտչյան (video)

ԵՄ դիտորդները ասում էին, որ եթե տարվա ինչ–որ ժամանակահատվածում հարձակում չլինի Հայաստանի վրա, դա իրենց հաղթանակն է. իրենց ներկայությամբ աշնանն էլ եղավ հարձակում, էսկալացիա և ՀՀ սուվերեն տարածքից բռնազավթումներ, նույնը եղավ նաև գարնանը։ Այս մասին այսօր՝ մայիսի 11-ին, Սերժ Սարգսյանի գործով դատական նիստից առաջ լրագրողներին ասաց ԱԺ «Պատիվ ունեմ» խմբակցության պատգամավոր Աննա Մկրտչյանը` անդրադառնալով Սոթքում ադրբեջանական այսօրվա ագրեսիային և ԵՄ դիտորդների լռությանը։

«Դիտորդներն իրենք են ասել, որ հեռադիտակով են և ոչինչ անել չեն կարող»,–ասում է պատգամավորը։

Նա հիշեցրեց, որ նույն դիտորդները իրենց հավաքած փաստերը, տեղեկանքները ամբողջությամբ ուղարկում են Ադրբեջանին. «Երբ Նիկոլ Փաշինյանը հայտարարում էր, որ ԵՄ դիտորդներին ինքը բերում է, որ հսկեն Հայաստանին եւ Ռուսաստանին, ասում էր շատ կեղծ ու կոնկրետ: Ինքը շատ լավ գիտեր, որ ԵՄ դիտորդներն այստեղ չեն եկել ՀՀ տարածքային ամբողջականության նկատմամբ ոտնձգությունները ֆիքսելու, զեկույցներ կազմելու և դրա արդյունքում մեր թշնամիների նկատմամբ պատժամիջոցներ դիտարկելու։ Ինքը շատ լավ գիտեր, որ իրենց այստեղ բերում է էլի թուրք–ադրբեջանական տանդեմի շահերին օժանդակություն ցույց տալու համար, դրա համար այս ամենը այս իրավիճակում է»,–ասում է Մկրտչյանը։

«հայաստանում կա իշխանազավթ դավաճան, որն ասում է՝ նորմալ է, ՀՀ տարածքից դիտարկումներ իրականացրեք, տվեք մեր թշնամուն ու ոչ մի պատասխանատվության չի կանչում: Մայիսի 9-ին Մոսկվա գնալով Նիկոլը առիթն օգտագործում է կոշիկներ ման գալու եւ ավելի բարձրաստիճան ռուսական իշխանության կոշիկները սրբելու համար, որ հանկարծ իր իշխանությանը թար աչքով չնայեն»,-ասաց նա: