Հայտնաբերվել են կործանված ինքնաթիռի բեկորները

Tara Air ավիաընկերության՝ Նեպալում կործանված ինքնաթիռը հայտնաբերվել է: Այս մասին հայտնել է երկրի զինված ուժերի ներկայացուցիչ, բրիգադի գեներալ Տարա Բահադուր Կարկին: The Katmandou Post թերթը փետրվարի 24-ին գրում է, որ օդանավի բեկորները հայտնաբերվել են Մյագդի շրջանում՝ որոնողա-փրկարարական գործողությունների մեկնարկից չորս ժամ անց: Բեկորները գտնվում են դժվարամատչելի լեռնային շրջանում և ցրված են շուրջ 200 քառակուսի մետր տարածության վրա: Կործանումից հետո տեղի է ունեցել հրդեհ, բոլոր 23 անձինք մահացել են: