Էրդողանն ուղիղ եթերում իրեն վատ է զգացել

Թուրքիայի նախագահ Թայիփ Էրդողանի՝ տեղական հեռուստաալիքներին տված հարցազրույցը կտրուկ ընդհատվել է, քանի որ ուղիղ եթերում իրեն վատ է զգացել ստամոքսի գրիպի պատճառով, հաղորդում է «ՌԻԱ նովոստին»:

Ուղիղ հեռարձակումը կտրուկ ընդհատվել է այն պահին, երբ լրագրողը սկսել է հարցնել կաբինետի ապագա վերադասավորումների մասին։ Երկար դադարը մեծ աղմուկ է բարձրացրել սոցիալական ցանցերում։

Երբ եթերը վերականգնվել է, երկու կարճ հարցերից հետո վարողն ասել է, որ թուրք առաջնորդի հետ հարցազրույցն ավարտվում է, որպեսզի «պարոն նախագահը հանգստանա»։