Արցախում տեղակայված ռուս խաղաղապահները փորձում են կանխել Ադրբեջանի կողմից Հակարիի կամրջի վրա անցակետ տեղադրելու մասին նախաձեռնությունը վերջնական ավարտին հասցնելը: Այս մասին այսօր՝ ապրիլի 25-ին, ԱԺ-ում լրագրողների հետ զրույցում ասաց «Պատիվ ունեմ» խմբակցության քարտուղար Տիգրան Աբրահամյանը:
«Իրավիճակը զարգանում է Հայաստանն Արցախին կապող Հակարիի կամրջի վրա: Հակարի գետը եւ կամուրջը գտնվում են Հայաստանի Հանրապետության Կոռնիձոր գյուղի անմիջական մատույցներում: Հաշվի առնելով այն հանգամանքը, որ Ադրբեջանը, ըստ էության, միակողմանի «զոռբայությամբ» փակել է կամուրջը եւ փորձում է հսկիչ անցագրային կետ տեղակայել, տպավորությունս այն է, որ ՌԴ-ն տեղյակ չի եղել Ադրբեջանի նախաձեռնությունից: Արցախում տեղակայված ռուս խաղաղապահները փորձում են կանխել Ադրբեջանի կողմից իր նախաձեռնությունը վերջնական ավարտին հասցնելը: Դա ակնհայտ էր նաեւ ՌԴ ԱԳՆ-ի հայտարարությունից, որը արձանագրում էր, որ ՌԴ-ի հետ դա համաձայնեցված չի եղել, եւ միջանցքի տրամաբանության փոփոխությունը հակասում է եռակողմ փաստաթղթի դրույթներին»,- նշեց պատգամավորը:
Նրա խոսքով՝ անկհայտ է, որ խախտվել է նաեւ Ռուսաստանի եւ Ադրբեջանի միջեւ պայմանավորվածությունը. «Դրանից ելնելով՝ ՌԴ-ն ամեն ձեւով փորձում է տեղում կանխել այդ անցակետի ռեժիմի գործարկումը: Տեղում բանակցությունները գնում են փոքր մակարդակով, բայց հիմնականը տեղափոխված է քաղաքական մակարդակ: Թե ինչ արդյունք կլինի, այս պահին շատ դժվար է ասել»:
Հարցին՝ արդյո՞ք մինչեւ այդ իրավիճակին հասնելը հնարավոր չէ՞ր քայլեր ձեռնարկել, պատգամավորն ասաց.
«Ադրբեջանի լկտիությունը գալիս է այն հանգամանքից, որ 2020 թվականի նոյեմբերի 9-ի փաստաթղթի ստորագրումից հետո այդ դրույթները Ադրբեջանի կողմից բազմիցս խախտվել են, եւ որեւէ ձեւով պատշաճ արձագանք չեն ստացել: Դա վերաբերում է օրինակ՝ նախորդ տարի Փառուխի հայտնի դեպքերին, երբ Ադրբեջանը խախտում արեց եւ ավելի մեծ վերահսկողություն ստացավ Արցախի Հանրապետության Ասկերանի շրջանի որոշ հատվածների նկատմամբ: Նույնը վերաբերում է 2022 թվականի օգոստոսին Բերձորը շրջանցող երթուղու կառուցման ժամանակ երբ Ադրբեջանը փորձում էր այդ խաղը տեղափոխել սեփական մեկնաբանման եւ տրամաբանության դաշտ, դրան ոչ համարժեք քայլերն էր, որ բերեց նրան, որ Ադրբեջանում սկսեցին կարծել, որ կարող են նաեւ անցակետ տեղակայել եւ մարսել»:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
