Փախստականների մեծ մասը Եվրոպա է ժամանում առանց փաստաթղթերի

Berliner Morgenpost թերթը գրում է,որ  2016թ. հունվարին փախստականների մեծ մասը Գերմանիա է ժամանել առանց անձը հաստատող փաստաթղթերի, Գերմանիայի ՆԳՆ ներկայացուցիչը ասել է,որ այս տարվա 1-ին ամսում ներգաղթյալների 77 տոկոսը, որոնց սահմանին գրանցել է դաշնային ոստիկանությունը, չի ունեցել անհրաժեշտ անձը հաստատող փաստաթուղթ,որը  մեծ դժվարություն է ստեղծում Գերմանիայի անվտանգության մարմինների, ինչպես նաև Միգրացիայի ու փախստականների գործերով դաշնային գերատեսչության համար (BAMF), որը չի կարող որոշում կայացնել ներգաղթյալին ապաստանի տրամադրման մասին, եթե հայտնի չէ նրա ծագման երկիրը: Գերմանիայի ոստիկանության արհմիության ներկայացուցչի խոսքով՝ ներգաղթյալները, որոնք ժամանում են առանց փաստաթղթերի, ունեն հնարավորություն բազմիցս գրանցվել, իրենց մասին հայտնել տարբեր տեղեկություններ ու սպառնալիքի տակ դնել երկրի անվտանգությունը: Պատճառները, որոնց համաձայն ներգաղթյալները կարող են չունենալ փաստաթղթեր, Գերմանիայի ՆԳՆ-ում լրագրողներին չեն հայտնել: