Ունենք երեք զոհ, վիրավորների թվում է Հատուկ բանակային կորպուսի հրամանատար Արմեն Գյոզալյանը. «Հրապարակ»
Տեղ գյուղի ուղղությամբ թշնամու նախահարձակ գործողությունների հետեւանքով, «Հրապարակ»-ի տեղեկություններով, ունենք երեք զոհ, իսկ վիրավորների թվում է նաեւ Հատուկ բանակային կորպուսի հրամանատար Արմեն Գյոզալյանը, որին այս պահին վիրահատում են։
«Փաստինֆո»-ն ավելի վաղ հայտնել է, որ Տեղ գյուղում կրակոցներ են եղել, որոնք տեւել են մոտ 20 րոպե, որ կան զոհեր ու վիրավորներ, եւ որ վիրավորնեին փորձում են դուրս բերել նշված գոտուց։
Ավելի ուշ ՊՆ-ն եւս հայտարարեց, որ այսօր՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի ուղղությամբ ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Հայկական կողմը դիմել է պատասխան գործողությունների:
Նախնական տվյալներով հայկական կողմն ունի զոհեր և վիրավորներ: Պաշտպանության նախարարությունը հանդես կգա լրացուցիչ հաղորդագրությամբ:
Հետևեք մեզ Viber-ում
