Զինված տղամարդը փորձել է ներխուժել ՌԴ ՊՆ տարածք

Մոսկվայում ատրճանակով զինված տղամարդուն ձերբակալել են ՌԴ պաշտպանության նախարարության տարածք մտնելու փորձի ժամանակ։ Հայտնում է ՏԱՍՍ-ը՝ իրավապահ մարմինների աղբյուրին հղումով։

Գործակալության տվյալներով՝ կասկածյալը գտնվել է ոչ ադեկվատ վիճակում և փորձել է անցակետով ներխուժել շենք։ Նա բարձր բղավել և ձեռքերը թափահարել է։ Նշվում է, որ միջադեպը տեղի է ունեցել Պաշտպանության նախարարության գլխավոր շենքի մոտ անցակետում։

Զենքը, որը, ըստ նախնական տվյալների, օդամղիչ ատրճանակ է, ուղարկվել է փորձաքննության։