Մուշն ու Վանն էլ միացրեք Հայաստանին . Հրանտ Բագրատյան
ԱԺ-ն այսօր քվեարկեց ու անցկացրեց «Պետտուրքի մասին» օրենքում փոփոխություններ կատարելու մասին նախագիծը: ՀԱԿ խմբակցության անդամ Հրանտ Բագրատյանը զարմացավ՝ ինչպե՞ս են քվեարկում այս օրենքը, երբ այն ընդհանրապես տուրքի մասին չէ. «Է, տենց ա, տենց ա՝ քվեարկեք, Մուշն ու Վանն էլ միացրեք Հայաստանին, թող պրծնի գնա, էլի»,- վրդովմունքը հայտնեց Հ.Բագրատյանը: ԱԺ տնտեսական հարցերի մշտական հանձնաժողովի նախագահ Վարդան Այվազյանը հակադարձեց, թե օրենքը պետական տուրքի մասին է և վերաբերում է տուրքին: «Խնդրում եմ բանավեճ չսարքել, խնդրում եմ պահպանել կարգուկանոն, պարոն Բագրատյան»,- կոչ արեց ԱԺ փոխնախագահ Հերմինե Նաղդալյանը: Օրենքի նախագիծն ընդունվեց 79 կողմ, 11 դեմ և 15 ձեռնպահ ձայներով: Աստղիկ Ավագյան
Հետևեք մեզ Viber-ում
