Թրամփը բարձրացնում է Գուանտանամոյի բանտի ծախսերի հարցը

Հանրապետական կուսակցությունից ԱՄՆ նախագահի պաշտոնին հավակնող Դոնալդ Թրամփը հայտարարել է, որ մտադիր չէ փակել Գուանտանամոյի բանտը, և առաջարկել է, որ բանտի ծախսերը ստանձնի Կուբան, որի կառավարությունն էլ պահանջում է վերացնել այն կղզուց: Այս մասին գրում է RIA Novosti-ն: «Գուանտանամոյի ծոցը մենք բաց կթողնենք: Մենք այն կբեռնենք վատ տղաներով: Մենք այն կբեռնենք մինչև վերջ: Բայց ահա թե ինչը ես չեմ կարողանում հասկանալ: Մենք ամսական 40 մլն դոլար ենք ծախսում այդ վայրը պահելու համա՞ր: Ես երաշխավորում եմ, որ ես կկարողանայի անել ընդամենը դրա մի փոքր մասը: Ես նկատի չունեմ 39 մլն, դա կարող է լինել 5 մլն, 3 մլն: Միգուցե՝ ընդհանրապես հատիկներ: Միգուցե Կուբայի հետ մեր գործարքում մենք կկարողանանք նրանց ստիպել վերցնել բանտն ու փոխհատուցել մեր ծախսերը, որովհետև հավանաբար մենք նրանց վճարում ենք վարձակալության դիմաց»,- ասել է Թրամփը Նևադայում ընտրողների հետ հանդիպմանը: