Չինական ընկերությունները զենք եւ հանդերձանք են մատակարարել ՌԴ

Չինական ձեռնարկությունները առնվազն հազար հրացան, ինչպես նաև տարատեսակ հանդերձանք եւ սարքավորումներ են մատակարարել Ռուսաստան, գրում է Politico ամերիկյան հրատարակությունը։

Հրատարակությունը գրում է, որ մաքսային տվյալների հարթակի՝ Import Genius-ի տեղեկատվության վերլուծության համաձայն, մատակարարող ձեռնարկություններից առնվազն մեկը կապված է եղել չինական պետության հետ:

Ըստ այդմ՝ Չինաստանում պետական պաշտպանական կապալառուներից մեկը՝ China North Industries Group Corporation Limited-ը, 2022 թվականին ռուսական «Տեխկրիմ» ընկերությանը ուղարկել է ամերիկյան M16-ից կրկնօրինակված CQ-A գրոհային հրացաններ։ Փաստաթղթերի համաձայն՝ այդ ապրանքները անցկացվել են որպես «քաղաքացիական որսորդական հրացաններ»։