Պապիկյանը՝ նոր էսկալացիայի վտանգի, սահմանին կուտակումների եւ իր 400 հազար դոլարանոց բնակարանի մասին (video)
Էսկալացիայի վտանգը երրբեք էլ չի դադարել, այդ մասին մշտապես հայտարարել ենք, լրագրողների հետ զրույցում հայտարարեց ՀՀ պաշտպանության նախարար Սուրեն Պապիկյանը։
Հարցին՝ պատրա՞ստ է Հայաստանը դիմել օգնության, նախարարն արձագանքեց․ «Անհրաժեշտության դեպքում դիմելու ենք նաև մեր գործընկերներին։ Մենք պատրաստ ենք ամեն գնով պաշտպանել մեր երկրի յուրաքանչյուր միլիմետրը»։
Անդրադառնալով ԼՂ սահմանների շուրջ կուտակումների մասին խոսակցություններին՝ նա նշեց, որ ՊԲ-ն մշտապես հանդես է գալիս հայտարարություններով, և ՌԴ խաղաղապահներն են դրա մասին ամեն օր հաղորդագրություն տարածում։
«Ինչ վերաբերում է ՀՀ սահմաններին, ապա այս պահին կուտակում արձանագրված չէ, բայց մենք մեր աչալրջությունը չենք կորցնում։ Մենք մեր խաղաղության օրակարգից չենք շեղվում, բայց սա չի նշանակում, որ մեր երկրի սահմանները կամ տարածքային ամբողջականությունը սակարկելի են»,- ընդգծեց ՀՀ պաշտպանության նախարարը։
Հետևեք մեզ Viber-ում
