Ժոզե Մոուրինյոն Մխիթարյանի մասին

«Մանչեսթեր Յունայթեդ»-ի գլխավոր մարզիչ Ժոզե Մոուրինյոյի կարծիքով՝ ինքը և Հենրիխ Մխիթարյանը սկսել են լավ հասկանալ միմյանց: Ինչպես ասել է՝ բարձր է գնահատում Մխիթարյանի խաղն այս մրցաշրջանում։ «Մխիթարյանի առաջընթացն ավելի արագ կընթանար, եթե մենք ավելի լավ հասկանայինք միմյանց։ Եթե ես նրան ավելի լավ հասկանայի ավելի շուտ կկարողանայի օգնել և կանգնեցնել այն ճանապարհին, որով հիմա նա շարժվում է։ Երկար ժամանակ անցկացրեցինք միասին, ճանաչեցինք իրար։ Ես նրան լավ գիտեմ, նա էլ՝ ինձ։ Մխիթարյանի տաղանդն այս տարի ավելի լավը կլինի»,- ասել է Մոուրինյոն։