Հարգելի՛, պարոն վարչապետ, ի՞նչ զգացողություններ ունեք. Արսենյանը՝ Փաշինյանին (video)
Երեկ Կառավարությունում քննարկում է տեղի ունեցել՝ նվիրված ժողովրդագրական ուսումնասիրության արդյունքներին։
ՔՊ-ական պատգամավոր Գուրգեն Արսենյանը վարչապետ Նիկոլ Փաշինյանին խնդրեց ներկայացնել, թե ինչ տպավորություն է վերջինս ստացել և ինչ զգացողություններ է ունեցել, երբ ծանոթացել է այդ ուսումնասիրության արդյունքներին։
Նիկոլ Փաշինյանը պատասխանեց, որ ներկայացված տվյալների զգալի մասը նորություն չէր, իսկ ընդհանուր առմամբ տպավորությունը դառն է եղել։
«Ժողովրդագրական վիճակի հետ կապված մենք բոլորս հայտնի խնդիր ունենք շատ երկար ժամանակ, բայց նաև լավ նորությունն այն էր, որ հետազոտության արդյունքներն ասում էին, որ եթե ճիշտ քաղաքականություն վարենք, մենք կարող ենք ժողովրդագրական դինամիկայի մեջ էական, շոշափելի և տեսանելի փոփոխություններ մտցնել»,-ասաց նա ԱԺ-Կառավարության հարցուպատասխանի ժամանակ։
Փաշինյանը նշեց, որ բազմաթիվ նրբություններ կան, բայց երկու խնդիր կա, որոնցից մեկը ծնելիությունն է, երբ հաճախ երեխա ունենալը գումար ստանալու միջոց է դարձել, մինչդեռ այն պետք է լինի ընտանիքի երջանկության, արժեքների, հավատի արգասիք, որ երեխային սպասվում է լավ ապագա։
Արսենյանն արձագանքեց, որ հին և անհերքելի ճշմարտություն կա՝ կան մարդիկ, կա երկիր, չկան մարդիկ՝ չկա երկիր։
Մանրամասները՝ տեսանյութում:
Հետևեք մեզ Viber-ում
