Ալվինա Գյուլումյանը՝ Հաագայի դատարանի վճռի կատարման մասին (video)
Ադրբեջանի կողմից Հաագայի դատարանի վճռի կատարումը, որով նա պարտավորվում է Լաչինի միջացքով երկկողմանի ապահովել մարդկանց, տրանսպորտի տեղափոխությունը, կախված է նաեւ Հայաստանի հետագա հետեւողականությունից։ Այս մասին այսօր՝ փետրվարի 24-ին, լրագրողների հետ զրույցում ասաց Սահմանադրական դատարանի եւ Մարդու իրավունքների եվրոպական դատարանի նախկին դատավոր Ալվինա Գյուլումյանը։
«Ամեն ինչ կախված է ոչ միայն Ադրբեջանից, այլ նաեւ Հայաստանից։ Եթե Ադրբեջանը չկատարի պահանջը, հետեւանք կարող է լինել միջազգային հեղինակությունը միջազգային կազմակերպություններում, մյուս պետություններում, բայց, անկախ սրանից, եթե դու անընդհատ այդ հարցի մասին չբարձրաձայնես, միջազգային հանրությունը դրա մասին ուղղակի կմոռանա։ Բայց եթե բարձրաձայնես, կարող է առիթ հանդիսանալ, որ այդ երկրի միջազգային հեղինակությանը հարված հասցվի։ Երկրորդ տարբերակով, որն ավելի հեռուն գնացողն է, այս վճիռը կարող է օգտագործվել Արցախյան հիմնախնդրում։ Եվ երրորդ տարբերակը շատ ավելի բարդ է՝ հասնել ՄԱԿ-ի Անվտանգության խորհրդում հարցի քննարկմանը եւ անհրաժեշտ բանաձեւի ընդունմանը։ Չի բացառվում նաեւ որոշակի սանկցիաների կիրառումը»,- նշեց Գյուլումյանը։
Հետևեք մեզ Viber-ում
