Նոր մանրամասներ Գրիգորի Խաչատուրովի գործից․ հաջորդը կլինի Խաչատուրովի ընկերը․ պաշտպան (video)

Փաստաբան Միհրան Պողոսյանը կոչ է անում մեկընդմիշտ մոռանալ «զորամասի տարածք» հասկացությունը. hասկացությունը ներառված է ՀՀ պաշտպանության նախկին նախարար Սեյրան Օհանյանի և մյուսների գործով դատախազության ներկայացրած հաղորդագրությունում:

Փաստաբանը ստանձնել է այս գործով անցնող Էդգար Արշակյանի շահերի պաշտպանությունը:«Դա անշարժ գույք է, որը 1990-ականների կեսերից երբևիցե որպես զորամաս չի ծառայել: ՊՆ-ին հատկացված բոլոր զորամասերը, բոլոր տարածքները հատուկ նշանակության հողամասի տակ են ընդգրկված եղել, դրանցից հետո դրանք իրավական հիմք են ստացել 2005 թվականին», - լրագրողների հետ զրույցում ասաց Պողոսյանը:

Նա նշեց, թե տվյալ տարածքների օտարելիության պայմաններ նախատեսում է օրենքը, առկա են մի շարք հիմնավորումներ, թե որ պայմաններում տվյալ տարածքները կարող են օտարվել:

Փաստաբանը վստահեցնում է՝ 18 միլիոն դրամ գրավ վերցնելը իրականությանը չհամապատասխանող տեղեկություն է: Նրա գնահատմամբ՝ Գլխավոր դատախազն ԱԺ-ում զբաղված էր մանիպուլյացիաներով:

«Տվյալ գույքի համար երբևիցե 18 միլիոն դրամ գումար չի վերցվել. 2016 թվականի օգոստոսի 12-ին Գրիգորի Խաչատուրովը ձեռք է բերել բնակարան Վանաձորում, այդ բնակարանը ձեռք բերելու ժամանակ կնքվել է առքուվաճառքի պայմանագիր, որի պայմաններում միայն այդ բնակարանը գրավադրելու համար Խաչատուրովին տրամադրվել է 18 միլիոն 484 հազար դրամի վարկային գիծ, հետո բանկը Խաչատուրովին խնդրել է ներկայացնել լրացուցիչ գրավ, Խաչատուրովն իր ընկերոջը՝ Էդգար Արշակյանին խնդրել է լրացուցիչ գրավով օգնել ու, քանի որ այդ տարածքն այդ պահին Արշակյանը օգտագործելիս չի եղել, տարածքը որպես լրացուցիչ գրավ գրավադրվել է բանկում, սակայն գումարային առումով վարկային գիծը ոչ մի դրամով չի ավելացել, այսինքն՝ կոնկրետ այդ տարածքի համար ոչ մի դրամ վարկ չի ստացվել»,- մանրամասնեց Միհրան Պողոսյանը: