Պարզապես ծիծաղելի է. Թուխիկյանը՝ պետական մարմիններին

Թումանյանի տուն-թանգարանի տնօրեն Նարինե Թուխիկյանը զարմանում է՝ ինչպես կարող էին կրթօջախն անվանակոչել Նաիրի Զարյանի անվամբ: Այս մասին Հայելի ակումբում հայտարարեց նա:«Եթե ճանաչում ես Նաիրի Զարյանին, նրա կատարած «քաջագործությունները», ուրեմն պետք է հասկանաս, որ այդ մարդու անունով չի կարող հանրակրթական օջախ լինել, սա հակամանկավարժական է»,- ասաց նա: Նա նկատեց, որ ավելի շատ քննարկում են Երեւանի փողոցների անունները, բայց մարզերում նույնն է. «Մտնում ես Դիլիջան, մի նորմալ հայի անունով փողոց չկա, ամենամեծ փողոցը մանկապիղծ Կալինինի անունով է կոչվում, ինչու է այդպես, չեմ հասկանում»: Տիկին Թուխիկյանի համար պատճառաբանությունը, թե անվանափոխությունը մեծ ծախսերի հետ է կապված, պարզապես ծիծաղելի է: