ՔՊ-ական Կարեն Սարուխանյանի ընկերը՝ ՀՀ քննչական կոմիտեի Շիրակի մարզային քննչական վարչության պետի տեղակա՞լ
Մի քանի օր առաջ Շիրակի մարզպետ նշանակվեց Մուշեղ Մուրադյանն, ով, ըստ Գյումրիում տարածված լուրերի ինքնուրույն անձնավորություն չէ և ամբողջությամբ կախյալ է և վերահսկվում է Շիրակի նախկին մարզպետ, իսկ այժմ ԱԺ պատգամավոր ՔՊ-ական Կարեն Սարուխանյանի կողմից, ով, ըստ Գյումրիում տարածված լուրերի փորձում է իր մարդկանց տեղավորել Շիրակի մարզպետարանում և ուժեղացնել իր դիրքերը ուժային կառույցներում:
Ըստ Գյումրիում տարածված լուրերի, Կարեն Սարուխանյանը, փորձում է ՀՀ քննչական կոմիտեի Շիրակի մարզային քննչական վարչության պետի տեղակալ նշանակել իր ընկերոջը՝ 2022 թ-ի հոկտեմբերին դատախազների ատեստավորման քննությունը չհաղթահարած, որին սպառնում էր պաշտոնի իջեցում և իր դիմումի համաձայն 2022 թ-ի նոյեմբերի 1-ին Շիրակի մարզի դատախազի տեղակալի պաշտոնից հրաժարված Հովհաննես Պողոսյանին: Սակայն խնդիրը նրանում է, որ, ըստ Գյումրիում տարածված լուրերի, նույն Հովհաննես Պողոսյանը ժամանակին ուղղակի "վռնդվել" է Քննչական Կոմիտեից. 2013 թ-ին այն ժամանակվա ՀՀ քննչական կոմիտեի Շիրակի մարզային քննչական վարչության պետ Ալբերտ Երիցյանի զեկուցագրի համաձայն ծառայողական քննություն է իրականցվել քննիչ Հովհաննես Պողողյանի գործունեության վերաբերյալ և անառկալի ապացույցների արդյունքուն նա հեռացվել է համակարգից, քանի որ իր հերթապահության ժամանակ չի կատարել իր պարտականությունները և հրաժարվել է մեկնել դեպքի վայր:
2018 թ-ի իշխանափոխությունից հետո ՔՊ-ական Կարեն Սարուխանյանի անմիջական ջանքերի շնորհիվ քննչականից հեռացված քննիչը դառնում է դատախազ՝ քննիչների գործունեությունն է վերահսկում, իսկ հետո էլ դառնում է Շիրակի մարզի դատախազի տեղակալ: Ու այս ամենից հետո, Կարեն Սարուխանյանը քննչականից վտարված, դատախազի պաշտոնից ստիպված հրաժարված իր ընկերոջը փորձու՞մ է կրկին մտցնել քննչական՝ խայտառակելով և նվաստացնելով իրավապահ համակարգը:
Հետևեք մեզ Viber-ում
