Հունահռոմեականները սկսում են պայքարը աշխարհի առաջնությունում

Հունահռոմեական ոճի ըմբիշները սկսում են պայքարն աշխարհի առաջնությունում: 71 կգ քաշային կարգում Վարշամ Բորանյանը պայքարը կսկսի 1/16 եզրափակիչից, որտեղ նրա մրցակիցը կլինի Եգիպտոսի ներկայացուցիչ Իբրահիմ Ղանեմը։ Կարապետ Չալյանը (75կգ) նույնպես կսկսի 1/16 եզրափակիչից։ Նրա մրցակիցը կուբացի Յուրիսանդի Ռիոսն է լինելու։ 85 կգ քաշային կարգում հանդես եկող Արթուր Շահինյանը կմեկնարկի որակավորման փուլից։ Նրա առաջին մրցակիցը կորեացի Ջեյու Փարքն է։ 98 կգ քաշային Արթուր Ալեքսանյանը, որպես Օլիմպիական չեմպիոն, որակավորվել է առաջին համարով և վիճակահանությանը չի մասնակցել։ Նա 1/16-ում կպայքարի իրանցի Սեյեդմոստաֆա Սալեհիզադեհի հետ։ Նախնական գոտեմարտերը կսկսվեն Երևանի ժամանակով ժամը 12:00-ին, իսկ եզրափակիչները՝ 21:00-ին: Լուսանկարը` Ըմբշամարտի ֆեդերացիայի