Ահաբեկիչները Դամասկոսում գնդակոծել են միջազգային ցուցահանդեսը, կան զոհեր

Դամասկոսում միջազգային ցուցահանդեսի ժամանակ տեղի է ունեցել հրթիռակոծություն, որի հետեւանքով չորս մարդ է զոհվելև չորսը՝ վիրավորվել, այս մասին ՌԻԱ Նովոստիին  հայտնել է անվտանգության ուժերում իր աղբյուրը։ Նրա խոսքով՝ գնդակոծությունն իրականացվել է Դամասկոսի Արեւելյան Գուտա արվարձանից, զինված խմբավորումների կողմից։ Դամասկոսում այս տարի միջազգային արդյունաբերական ցուցահանդեսն անցկացվել է վեցամյա ընդմիջումից հետո առաջին անգամ։ Դրան մասնակցում են 43 պետություններ, որոնցից 20-ը ներկայացված են կոմերցիոն կազմակերպություններով, իսկ 23-ը՝ պաշտոնապես, դեսպանատների միջոցով։ Սիրիայի ցուցահանդեսների ու միջազգային շուկաների գլխավոր տնօրեն Ֆարես Ալ Քիրթլին հայտնել է, որ չնայած Դամասկոսի դեմ եվրոպական պատժամիջոցներին՝ միջոցառմանը մասնակցում են ընկերություններ Հունաստանից, Բելգիայից, Ֆրանսիայից, Հոլանդիայից ու Իտալիայից։