Ինչու են հարստանում Փաշինյանի թիմի անդամները (video)
ՀՀ վարչապետ Նիկոլ Փաշինյանը, անդրադառնալով այն հարցին, որ Երեւանի քաղաքապետի տեղակալ Տիգրան Ավինյանի ընկերների կողմից կանեփի արտադրության բիզնես է սկսվել, Ավինյանի մայրը մեծ հողատարածքներ է ձեռք բերել Արմավիրի մարզում, ԱԺ նախագահ Ալեն Սիմոնյանի եղբայրը շարունակում է հաղթել ճանապարհաշինության տենդերներում, արդյոք այդ անձանց ունեցվածքի ուսումնասիրման առնչությամբ իրավական գործընթացներ սկսվել են, ասաց, որ բացառված է՝ կոմպրոմիս, որ որեւէ տեղ կոռուպցիոն դրսեւորում լինի, եւ համակարգը դրան չարձագանքի:
«Չի կարող լինել այնպիսի հրապարակում, որը նույն իրավապահ մարմինների ուշադրությանը չարժանանա։ Ալեն Սիմոնյանը եղբայրը որեւէ տեղ աշխատելու իրավունք ունի՞, նա ի՞նչ պիտի աշխատի։ Հայաստանի ընդդիմության առաջնորդներից մեկի ընտանիք անդամներից մեկին պատկանող ընկերությունը Հայաստանում ամենաշատ տենդերներն է շահում, որին մենք դեմ չենք։ Մենք այսօր Հայաստանում շինարարի խնդիր ունենք, խնդրում ենք, որ մարդիկ գան, մրցույթներին մասնակցեն եւ շահեն»,- նշեց Փաշինյանը։
Հետևեք մեզ Viber-ում
