ՀՀ-ում գործող բջջային օպերատորները հայտնվել են մի քանի խարդախների ծուղակում
Հայաստանում գործող բջջային օպերատորները հայտնվել են մի քանի խարդախների ծուղակում: Գործող երեք օպերատորների հեռախոսահամարներով իրականացվել են միջազգային մուտքային հաղորդումներ: «Փաստինֆո»-ի տեղեկություններով, այս ապօրինի հաղորդումներն իրականացրած անձինք տարբեր անձանց անվամբ ձեռք են բերել նոր քարտեր, որոնց միջոցով էլ իրականացրել են հաղորդումները՝ հաճախակի փոխելով դրանց տեղակայման հասցեները: Մեզ հայտնի է դարձել, որ «ՄՏՍ», «Արմենտել» և «Յուքոմ» ՍՊԸ-ին պատճառվել է խոշոր չափերի հասնող վնաս: ԱԱԾ քննչական ծառայությունում հարուցվել է քրեական գործ՝ ՀՀ քրեական օրենսգրքի 188-րդ հոդվածի 3-րդ մասի 1-ին կետով:
Հետևեք մեզ Viber-ում
