Էրդողանը մեղադրվում է զրպարտության մեջ

Թուրքիայի գլխավոր ընդդիմադիր Հանրապետական Ժողովրդական կուսակցության (CHP) ներկայացուցիչները երկրի նախագահ Էրդողանի հայտարարությունը զրպարտություն են համարում: Այս մասին հայտնում է թուրքական demokrathaber.org-ը: «Եթե նախագահը չպարզաբանի, թե տեղեկությունն ինքը որտեղից և ումից է ստացել ուրեմն զրպարտիչ է»,- այս մասին հայտարարել է CHP-ական պատգամավոր Օզգյուր Օզելը, ով ներկայումս ղեկավարում է կուսակցության խորհրդարանական խմբակցությունը: Նշենք, որ Էրդողանը, օրեր առաջ անդրադառնալով ներկայումս կալանքի տակ գտնվող CHP-ական Էսին Բերբերօղլուին, ասել էր. «Եթե Քըլըչդարօղլուն բանտարկված Բերբերօղլուի հետ կապ ունենա, չզարմանաք»: Բերբերօղլուն CHP ներկայացուցիչ է, ով ձերբակալվել է ահաբեկիչների հետ կապեր ունենալու մեղադրանքով: