Ռոնալդուն որակազրկվել է 5 խաղով
Մադրիդի «Ռեալի» պորտուգալացի հարձակվող Կրիշտիանու Ռոնալդուն Իսպանիայի Սուպերգավաթի խաղարկության 1-ին խաղում ոչ մարզական պահվածքի համար որակազրկվել է 5 խաղով: Այս մասին հայտնում են իսպանական լրատվամիջոցները: 1 հանդիպում նա բաց կթողնի կարմիր քարտ ստանալու եւ եւս 4-ը՝ մրցավար Բուրգոս Բենգոեչեային հրելու համար: Ֆուտբոլիստը բաց կթողնի օգոստոսի 16-ին «Սանտիագո Բեռնաբեու» մարզադաշտում կայանալիք «Բարսայի» դեմ Սուպերգավաթի պատասխան հանդիպումը, ինչպես նաեւ Լա լիգայի՝ «Դեպորտիվոյի», «Վալենսիայի», «Լեւանտեի» եւ «Ռեալ Սոսիեդադի» դեմ հանդիպումները: Խաղադաշտ կվերադառնա սեպտեմբերի 19-20-ը կայանալիք 5-րդ տուրի «Բետիսի» դեմ խաղում:
Հետևեք մեզ Viber-ում
