Բաքվում Իրանին սադրող նոր արշավ է սկսվել

Ադրբեջանի խորհրդարանի (Միլի Մեջլիս) պատգամավոր Հուդրաթ Հասանգուլիևն առաջարկում է երկիրը վերանվանել՝ այն կոչելով Հյուսիսային Ադրբեջան։ Այս մասին հայտնում են տեղական լրատվամիջոցները։

«Ադրբեջանում պետականաշինության ուղղությամբ ձեռնարկվող քայլերը անհրաժեշտ են դարձնում նոր Սահմանադրության ընդունումը։ Առաջին քայլը, որը մենք կձեռնարկենք, պետք է լինի Ադրբեջանի վերանվանումը։ Ճիշտ այնպես, ինչպես մյուս առանձին ժողովուրդների անվանումներում կան Հյուսիսային եւ Հարավային արտահայտությունները։ Կարծում եմ, դա նույնպես խթան կդառնա Հարավային Ադրբեջանից հայրենակիցների համար», -ասել է Գասանգուլիեւը՝ նկատի ունենալով Իրանը։