Ռուս օդաչուները զանգվածաբար հեռանում են երկրից

Ռուս օդաչուները ցանկանում են արտասահմանյան ընկերություններում աշխատել: Վերջին երկու տարիների ընթացքում օդանավի ավելի քան 300 հրամանատարներ եւ հրահանգիչներ են հեռացել արտասահմանում աշխատելու համար, եւս 400-ը դրսում աշխատանք գտնելու փուլում են, գրում է «Կոմերսանտը»: Ինչպես նշվում է՝ օդաչուները հեռանում են ցածր աշխատավարձի պատճառով: «Աերոֆլոտից» BBC ռուսական ծառայությանը հայտնել են, թե օդանավի հրամանատարը 470 հազար ռուբլի է ստանում (7 858 ԱՄՆ դոլար), սակայն օդաչուներից մեկն ասում է, որ իրականում վճարումների ծավալը բավական ցածր է: