Զանգեզուրի պղնձամոլիբդենային կոմբինատը՝ Հայաստանի թիվ մեկ հարկատուն (video)

«Պարզապես մի թիվ եմ ուզում նշել՝ Զանգեզուրի պղնձամոլիբդենային կոմբինատը 9 ամսվա ընթացքում վճարել է մոտ 130 միլիարդ դրամի հարկեր։ Համեմատության համար նշենք, որ ՏՏ ոլորտը, որը համարվում է առաջատար հարկատու ոլորտ վճարել է մոտ 30 միլիարդ դրամի հարկ»,- Հայաստանի ազգային պոլիտեխնիկական համալսարանում ԶՊՄԿ 70-ամյակին և ընկերության կայուն զարգացման զեկույցի ընթացքում հայտարարեց  ԶՊՄԿ գլխավոր տնօրենի առաջին տեղակալ Վարդան Ջհանյանը։

Վարդան Ջհանյանի խոսքով՝ այսօր հանքարդյունաբերության ոլորտը մտնում է ճգնաժամային ժամանակաշրջան՝ պայմանավորված դրամի կուրսի ամրագրման հետ․ «Ոլորտի բոլոր կազմակերպություններն այսօր ճգնաժամի մեջ են և ճգնաժամից դուրս գալու մեխանիզմները դեռ մշակված չեն»։

Խոսելով հարկային փոփոխությունների մասին՝ Վարդան Ջհանյանը նշեց․«2021թ․-ին սեպտեմբերին արված հարկային փոփոխությունները ստեղծեցին այնպիսի իրավիճակ, որպեսզի ոլորտի համար ստեղծվեն նաև անվտանգության բարձիկներ՝ հետագա ճգնաժամերը սահուն հաղթահարելու նպատակով»։

Ըստ պարոն Ջհանյանի՝ նույնիսկ գերհարկերի հարցն այնքան պրոբլեմատիկ չէ՝ որքան հարկային ոլորտում անկանխատեսելիությունը։

Հիշեցնենք՝ Զանգեզուրի պղնձամոլիբդենային կոմբինատը նշում է հիմնադրման 70-ամյակը։ Հայաստանի ազգային պոլիտեխնիկական համալսարանում ԶՊՄԿ 70-ամյակին և ընկերության կայուն զարգացման զեկույցի ներկայացմանը նվիրված կոնֆերանսի ժամանակ ընկերության ներկայացուցիչները, փորձագետներն ու մասնակիցները քննարկեցին ՀՀ հանքարդյունաբերության մոդեռնիզացիային, ներդրումային հնարավորություններին, կայուն զարգացմանն առնչվող հարցեր:

Մանրամասները՝ տեսանյութում․