Հզոր երկրաշարժի հետևանքով կա 20 զոհ

Ինդոնեզիայում տեղի ունեցած երկրաշարժի հետևանքով մոտ 20 մարդ է զոհվել, առնվազն 300-ը վիրավորվել են, հայտնում է AFP-ն Twitter-ում՝ վկայակոչելով տեղական իշխանություններին։

Գործակալության հաղորդմամբ՝ զոհվել են Արեւմտյան Ճավա նահանգի Չինաջուր շրջանի բնակիչները։ Տվյալ պահին հայտնի է, որ վնասվել է 7 բնակելի շենք, ինպես նաեւ դպրոցներ, հիվանդանոցներ եւ մի քանի վարչական շենքեր։

Երկրաշարժը տեղի է ունեցել Արևմտյան Ճավա նահանգում, որի ուժգնությունը կազմել է 5,6 մագնիտուդ, հայտնում է Reuters-ը։