6-րդ անգամ չի հաջողվել երկրի նախագահ ընտրել
Լիբանանի խորհրդարանին 6-րդ անգամ չի հաջողվել երկրի նախագահ ընտրել, գրում է NNA գործակալությունը:
Հոկտեմբերի 31-ին ավարտվել է Միշել Աունի պաշտոնավարման վեցամյա ժամկետը։ Այդ պահից ի վեր երկիրն ապրում է առանց նախագահի։ Նրա գործառույթները մասամբ կատարում է նախարարների անցումային կաբինետը:
Լիբանանի Սահմանադրության համաձայն՝ թեկնածուն պետք է ստանա ձայների առնվազն երկու երրորդը 128 տեղանոց խորհրդարանում, իսկ հաջորդ փուլ անցնելու դեպքում անհրաժեշտ է ստանալ 50 տոկոս գումարած մեկ ձայն:
Սակայն 46 պատգամավորներ հանձնել են դատարկ քվեաթերթիկներ, 11 քվեաթերթիկ անվավեր է ճանաչվել։
Խորհրդարանի խոսնակ Նաբիհ Բերին հաջորդ նիստը նշանակել է նոյեմբերի 24-ին:
Հետևեք մեզ Viber-ում
