Նույնիսկ իմ կինն ա հղի վիճակով զենքը ձեռքը կռվել. եթե դրա համար են ինձ բերել դատում, խնդրեմ

Այսօր Կենտրոն և Նորք Մարաշ վարչական շրջանների ընդհանուր իրավասության դատարանում զինված խմբի գործով նիստի ժամանակ ամբաստանյալ, ազատամարտիկ Հարություն Սարիբեկյանը հայտարարեց, որ ինքը իրեն մեղավոր չի ճանաչում: Ինչպես ասաց՝ դատարանում ներկա ամբաստանյալներից որևէ մեկին չի ճանաչել և նրանց տեսել է միայն դատարանում: «Ես կռվող տղա եմ ու չէի հելնի ազգի դեմ: Մենք երեք եղբայրով կռվել ենք պատերազմում, երկուսս դառել ա ինվալիդ, նույնիսկ իմ կինն ա հղի վիճակով զենքը ձեռքը կռվել: Եթե դրա համար են ինձ բերել դատում, խնդրեմ», - հայտարարեց Սարիբեկյանը: