Ռուսաստանը անօդաչու սարքերի փոխարեն Իրանին է փոխանցել Javelin, NLAW եւ Stinger հրթիռները

Ռուսաստանը գաղտնի Իրան է ուղարկել 140 մլն եվրոյի կանխիկ գումար եւ Բրիտանիայի եւ ԱՄՆ-ի գրաված զենքը՝ տասնյակ անօդաչուների փոխարեն։ Այս մասին գրում է Sky News-ը՝ վկայակոչելով անվտանգության ծառայությունում աղբյուրին։

Հրատարակությանը հայտնի է դարձել, որ ռուսական ռազմական ինքնաթիռը տեղափոխել է գումարը եւ զինամթերքի 3 մոդել՝ NLAW եւ Javelin հակատանկային հրթիռները, ինչպես նաեւ Stinger զենիթային հրթիռը։

Իրանն իր հերթին Ռուսաստան է ուղարկել ավելի քան 160 անօդաչու թռչող սարքեր, այդ թվում Shahed-136 անօդաչուներ, որոնք արդեն խոցվել էին Ուկրաինայի տարածքում։

Sky News-ի տվյալներով, բացի դրանից, վերջին մի քանի օրերին Թեհրանի եւ Մոսկվայի միջեւ համաձայնեցվել էր անօդաչուների նոր խմբաքանակի մասին 200 մլն եվրոյի եւս մեկ գործարք։