Փաշինյանի քավոր մարզպետը՝ Տավուշի մարզից Ադրբեջանին գյուղեր հանձնելու մասին (video)
Տավուշի մարզպետ Հայկ Ղալումյանը չի պատասխանում հարցերին՝ մարզից գյուղեր կհանձնե՞ն Ադրբեջանին։
«Ես այդ հարցին չեմ պատասխանի, համենայն դեպս, ես այդ հարցին չեմ պատասխանի», - Ազգային ժողովում լրագրողների հետ զրույցում ասաց նա։
Լրագրողի դիտարկմանը՝ չեք պաստախանում, որովհետև չկա՞ նման բան` արձագանքեց. «Ընդհանրապես այդ հարցին չեմ պատասխանի»։
Նա ասաց, թե մարզում կրակոցները հատուկենտ են, «լուրջ ոչինչ չկա»։
Մարզպետը լրագրողներին կոչ արեց հաջորդ անգամ իրեն գյուղեր հանձնելու մասին հարցեր չտալ։
Հարցին՝ կարո՞ղ եք վստահեցնել, որ Տավուշի մարզից որևէ գյուղ չի հանձնվի Ադրբեջանին` Ղալումյանն արձագանքեց. «Չեմ հասկանում, ամեն ինչ ասացի, ասում եմ՝ հարցին չեմ պատասխանում, ինչո՞ւմն է խնդիրը»։
«Այս պահին նման խնդիր չունենք, չի քննարկվում», - ասաց նա։
Կարո՞ղ եք բացառել, որ չի էլ լինի հարցին ի պատասխան էլ ասաց. «Չեմ կարող բացառել»։
Հետևեք մեզ Viber-ում
