Դա վայրենիություն է և բարբարոսություն. Ժիրինովսկին՝ Թուրքիայում տեղի ունեցածի մասին

Ռուսաստան Լիբերալ-Դեմոկրատական կուսակցության առաջնորդ Վլադիմիր Ժիրինովսկին վայրենիություն և բարբարոսություն է անվանել մոսկվացի կին զբոսաշրջիկի վրա հարձակումը: Այս մասին գրում է Life.ru-ն: «Մենք հորդորում ենք՝ խուսափեք Թուրքիայում հանգստանալուց: Ձեր ինչի՞ն են պետք այդ բոլոր ռիսկերը: Բացի այն, որ թուրքական հյուրանոցներում աշխատակազմը հաճախ իրեն դրսևորելու ձև չգիտի, նրանք իրենց ահա այսպիսի քայլեր են թույլ տալիս: Մի՛ տարվեք ցած գներով, գովազդով. արժանապատվությունն ու առողջությունն ավելի թանկ են»,- նշել է Ժիրինովսկին: Նշենք, որ կնոջը ծեծել էին  Ալանիայում «Kirman Hotels Arycanda De Luxe» հինգաստղանի հյուրանոցում, երբ լուսանկարել է իր ծանոթին: