Ոչ աշխատանքային օր՝ սաստիկ շոգի պատճառով

Իրաքի կառավարության ղեկավար Հայդեր ալ Աբադին օգոստոսի 10-ը երկրում ոչ աշխատանքային օր է հայտարարել ըստ Ցելսիուսի մինչեւ 50 աստիճան տապի պատճառով: Այդ մասին հայտնել է IMN պետական հեռուստաալիքը: Տեղի օդերեւութաբանների տվյալներով՝ Բաղդադում առավելագույն ջերմաստիճանն օգոստոսի 10-ին հասնում է ըստ Ցելսիուսի 50 աստիճանի: «Ալ Արաբիա» հեռուստաալիքը նշում է, որ անցած տարի նմանօրինակ տապի պատճառով իշխանություններն ստիպված էին քաղաքացիներին երկու օր ազատել աշխատանքից, հաղորդել է ՌԻԱ Նովոստի գործակալությունը: