Լոռու մարզում դաբաղ չկա.նախարար
Լոռու մարզում դաբաղ չկա :Այս պահին սննդի անվտանգության ծառայության և գյուղատնտեսության նախարարության մասնագետները տեղում վերլուծում են իրավիճակը, նմուշառում են իրականացնում,լրագրողների հարցին,թե Լոռու մարզում կա դաբաղ հիվանդություն,նման պատասխան տվեց ՀՀ գյուղնախարար Իգնատի Առաքելյանը: Եթե չկա նմուշառում, ապա ինչի՞ վրա հիմնվելով է գերատեսչությունը պնդում, որ դաբաղ չկա հարցին նախարարը պատասխանեց. «Առաջնային հետազոտությունը ցույց է տվել, որ դա դաբաղ չէ»: «Անասունների անկում չի եղել: Կան հիվանդության նշաններ և պարզ չէ՝ դա դաբաղ է, թե՝ ոչ, իսկ կարանտին հայտարարելու խնդիր չկա, որովհետև իրավիճակը համաճարակային չէ», - հավելեց նա: Անդրադառնալով հարցին, թե ինչպե՞ս է վերահսկողություն իրականացվելու, որպեսզի հիվանդացած կենդանիների միսը չվաճառվի, Ի. Առաքելյանն ասաց. «Այդ տարածքում այդ կենդանիների համար վակտինացիա կատարվել է, հիմա պետք է ուսումնասիրել, թե ինչն է խնդիրը: Երբ կլինի պատասխան, համոզված եմ՝ սննդի անվտանգության ծառայությունը համապատասխան հայտարարությամբ հանդես կգա»:
Հետևեք մեզ Viber-ում
