Եռակողմ հանդիպմանն ընդառաջ․ Նիկո՛լ, ողորմելի՛, սարսափելի վիճակում ես․ Աշոտ Գրիգորյան (video)
Եվրոպայի հայկական միությունների ֆորումի նախագահության հայտարարությունը:
Եվրոպահայերի Ֆորումի նախագահ, դոկտոր Աշոտ Գրիգորյան.
Եվրոպայի հայերը ցասումով ընդունեցին այն խայտառակ ակտը, որը կատարվել է ՀՀ իշխանությունների կողմից մեր երկրի շահերը սատարող և թուրք ազերական տանդեմի դեմ ամենաակտիվ պայքար մղող երկու հանրահայտ գործիչների` ՌԴ Պետդումայի ԱՊՀ գործերով կոմիտեի փոխնախագահ Կոնստանտին Զատուլինի և համաշխարհային մեծ համբավ ունեցող, խոշորագույն մեդիա RT-ի գլխավոր տնօրեն, հայազգի ամենահզոր անհատներից Մարգարիտա Սիմոնյանի մուտքը ՀՀ արգելելու շուրջ։
Սա, իսկապես, աղաղակող ակտ է և ակնհայտորեն միտված է ՀՀ ռազմավարական կարևորագույն գործընկեր ՌԴի հետ հարաբերությունները խաթարելուն և երկիրը արևմուտքի վերահսկողության և Թուրքիայի գերիշխանության տակ դնելուն։ Նման գործընթացը հղի է լուրջ վտանգներով։ ԱՄՆ-ն և նրա գործակիցները, մասնավորապես` Թուրքիան ու Ադրբեջանը, ահռելի գումարներ են ծախսում Հայաստանը Ռուսաստանից անջատելու և Հարավային Կովկասում ՌԴի և Իրանի դեմ նոր ռազմաճակատ բացելու համար։ ԵՀՄՖն հայտարարում է, որ ողջ հայության հիշողությունների մեջ խիստ թարմ է անցյալ դարասկզբին իրականացված ցեղասպանությունը թրքական իշխանությունների կողմից և երկրորդ նման ոճրագործություն մեր ազգը թույլ չի կարող տալ։
ԵՀՄՖն դիմում է աշխարհասփյուռ հայությանը կոչով՝ ոտքի՛։ Մենք միասնական ուժով պետք է դատապարտենք մեր ազգի թշնամիներին ակնհայտորեն վաճառված այս հակազգային վարչապետի և նրա հանցախմբի գործողությունները։
Եվրոպայի հայկական միությունների ֆորումը հայտարարում, որ եթե այսօր աշխարհասփյուռ հայությունը ոտքի չկանգնի, ապա հետևանքները կարող են լինել աղետալի մեզ համար։
Ազգ, ոտքի՛։ Մեր երկրի փրկությունը մեր ձեռքերում է։ Պետք է վարչապետի աթոռը զավթած Նիկոլ Փաշինյանին ներկայացնենք վերջնագիր իշխանությունն անմիջապես արտերկրի և ՀՀ բացառիկ արհեստավարժ մասնագետների կազմված ժամանակավոր կառավարությանը զիջելու պահանջով։
ԵՀՄՖն տարիներ իվեր գործել է և իր շուրջն է հավաքել հայության ամենապրոֆեսիոնալ և ակտիվ գործիչներին, որոնք ունակ են երկիրն այս արհավիրքից ազատելու։
Ոտքի՛. պահանջում ենք վարչապետի անհապաղ հրաժարականը և իշխանությունն Արհեստավարժների ժամանակավոր կառավարությանը հանձնելու գործընթացի իրականացումը։
Հետևեք մեզ Viber-ում
