Փառատոնների դերը՝ զբոսաշրջության մեջ
ՀՀ տնտեսական զարգացման և ներդրումների նախարարության զբոսաշրջության պետական կոմիտեի նախագահի առաջին տեղակալ Մեխակ Ապրեսյանը կարևորում է փառատոնների անցկացումը, քանի որ դրանք նպաստում են զբոսաշրջության զարգացմանը: Ըստ նրա՝ պետական քաղաքականություն իրականացնելիս պետությունը հաշվի չի առնում մարզի՝ Երևանից հեռավորությունը: Նրա խոսքով՝ Կառավարությունը շահագրգռված է զարգացնել սահմանամերձ գոտիներում զբոսաշրջությունը և դրան միտված ամենօրյա աշխատանք է տանում: «ՀՀ մարզերում ենթակառուցվածքների, ծառայությունների որակի և բազմազանության հետ կապված խնդիրներ ունենք և պետք է զարգացնենք: Պետք է կարողանանք հասցնել այն աստիճանի, որ կարողանանք բնական զբոսաշրջություն ապահովել, ինչը կբերի նաև տնեսության զարգացման»,- շեշտեց Ապրեսյանը: Ապրեսյանը հիշեցրեց տեղական կայացած փառատոները՝ գինու, մեղրի, խորովածի և այլն, որոնք ամեն տարի նոր թափով են անցկացվում։ «Մենք ունենք կայացած փառատոններ, որոնք հայտնի են ոչ միայն Հայաստանում, այլև միջազգային շուկայում: Մեր փառատոններն արդեն իսկ ներառվում են զբոսաշրջային փաթեթներում, լուսաբանվում են մի շարք միջազգային լրատվամիջոցների կողմից: Մենք փորձում ենք այնպես անել, որ զբոսաշրջիկն իր ճանապարհորդությունը պլանավորելիս որոշի գալ Հայաստան հենց փառատոնին մասնակցելու»,- ընդգծեց նա:
Հետևեք մեզ Viber-ում
