Անկարան Բաքվի հետ սերտորեն համակարգում է Հայաստանի վերաբերյալ քայլերը. Չավուշօղլու
Հայաստանն ու Ադրբեջանը պետք է հասնեն երկարաժամկետ խաղաղության համաձայնագրի, որը սահմանների ամբողջականության նկատմամբ փոխադարձ հարգանք կսահմանի։ Այս մասին հայտարարել է Թուրքիայի արտգործնախարար Մևլութ Չավուշօղլուն՝ երեքշաբթի Tvnet հեռուստաալիքի եթերում մեկնաբանելով իրավիճակը Հարավային Կովկասում։
Նրա խոսքով, պատերազմի ավարտից հետո պետք է կենտրոնանալ տարածաշրջանում կայունության ապահովման վրա։
«Անկարան անկեղծ մոտեցում է ցուցաբերում Երևանի հետ հարաբերությունների կարգավորման հարցում։ Մենք տեղյակ ենք այս հարցում Հայաստանի մոտեցումներում առկա խնդիրներին և չենք ձգտում դժվարություններ ստեղծել։ Սակայն սկզբունքորեն սխալ է կարծել, թե Թուրքիայի և Հայաստանի միջև երկխոսությունն անկախ է Ադրբեջանից։ Մենք Ադրբեջանից անկախ չենք գործելու։ Որոշ անհամապատասխանություններ կային։ Թուրքիայի նախագահն ու Ալիևն այսօր մշտական կապի մեջ են։ Այս գործընթացն ուղղված չէ Բաքվի դեմ։ Այս գործընթացը նրանց օգուտ կտա»,- ասել է Չավուշօղլուն։
Հետևեք մեզ Viber-ում
