Մարզպե՞տն է արհամարհել քաղաքապետերին, թե՞ վարչապետը
Հունիսի վերջին վարչապետ Կարեն Կարապետյանի այցը Սյունիքի մարզ բավականին հագեցած է եղել, սակայն անցել է բավականին տարօրինակ մթնոլորտում: Խորհրդակցության ընթացքում վարչապետին են ներկայացվել նաև տարբեր ոլորտներին առնչվող ներդրումային ծրագրեր, որոնք կքննարկվեն կառավարությունում և կներկայացվեն համապատասխան առաջարկություններ: Անդրադարձ է կատարվել նաև Կապանի օդանավակայանի վերագործարկման ուղղությամբ կատարվող ներդրումային ծրագրով նախատեսված աշխատանքներին: Վարչապետի եւ մարզային իշխանությունների հանդիպումը մարզկենտրոնում չի անցել, չեն մասնակցել մարզի խոշոր համայնքապետերը, Վահե Հակոբյանի յուրայիններ չհամարվող Գորիսի եւ Կապանի քաղաքապետերը: Չնայած որ քննարկվել են այնպիսի կարևոր հարցեր, որոնք վերաբերել են մարզի խոշոր քաղաքներին՝ Գորիսին և Կապանին: Հետաքրքրական է, որ վարչապետ Կարեն Կարապետյանը չի էլ նկատել և չի էլ անդրադարձել հարցին, թե ինչու 2 քաղաքապետերը ներկա չեն: Այստեղ հարց է առաջանում,մարզպե՞տն է արհամարհել քաղաքապետերին, թե՞ վարչապետը:
Հետևեք մեզ Viber-ում
