Իշխան Սաղաթելյանը հանդիպել է նաև ՀՀ նախկին նախագահների հետ

«Հրապարակ» թերթը գրում է. «ԱԺ «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանն օրերս հայտարարել էր, որ ազդեցիկ, փորձ ու ներուժ ունեցող մարդիկ՝ ՀՀ նախկին նախագահները, ԱԳ, պաշտպանության նախարարները, Վեհափառ հայրապետը պետք է հանդիպեն՝ հաշվի առնելով երկրում ստեղծված իրավիճակը, եւ «միմյանց աչքերի մեջ նայելով, ստեղծված իրավիճակը գնահատելով՝ գտնեն լուծումներ»:

Տեղեկացրել էինք, որ նախօրեին նա հանդիպել է Վեհափառի հետ: Հանդիպման վերաբերյալ երեկ Մայր Աթոռից հայտնել են, որ Ամենայն հայոց հայրապետն իր պատրաստակամությունն է հայտնել՝ նպաստելու բոլոր այն ջանքերին, որոնք ուղղված կլինեն երկրի առջեւ ծառացած մարտահրավերների հաղթահարմանը։ Իշխան Սաղաթելյանը երեկ մեր հարցին ի պատասխան ասաց, որ հանդիպել է նաեւ ՀՀ նախկին նախագահների հետ:

Փորձեցինք ճշտել՝ Լեւոն Տեր-Պետրոսյանի հետ նույնպե՞ս, Սաղաթելյանն ասաց. «Այս պահին՝ այսքանը։ Հանդիպումներ տեղի ունեցել են, աշխատանքներն այդ ուղղությամբ շարունակվում են, արդյունքների մասին կտեղեկացնենք»։ Սակայն մենք պարզեցինք, որ հանդիպումներ եղել են Սերժ Սարգսյանի եւ Ռոբերտ Քոչարյանի հետ, իսկ Լեւոն Տեր-Պետրոսյանի հետ հանդիպում տեղի չի ունեցել»:

Առավել մանրամասն՝ թերթի այսօրվա համարում