ՀԱՊԿ-ը կգործադրի մեխանիզմներ՝ Հայաստանի և Ադրբեջանի սահմանին իրավիճակի կարգավորման համար. Վլադիմիր Զայնետդինով

ՀԱՊԿ մամուլի խոսնակ Վլադիմիր Զայնետդինովը հայտարարել է, որ ՀԱՊԿ մեխանիզմների գործարկման ուղղությամբ աշխատանքներ են կազմակերպվել՝ Հայաստանի և Ադրբեջանի սահմանին իրավիճակի կարգավորման համար։ 

Նա իր ցավակցություններն է հայտնել մահացածների հարազատներին:

«Դրա համար պետք է օգտագործվեն բացառապես քաղաքական-դիվանագիտական մեթոդները և պայմանավորվածությունները, որոնք ամրագրված են 2020 թվականի նոյեմբերի 09-ի, 2021 թվականի հունվարի 11-ի և նոյեմբերի 26-ի եռակողմ հայտարարություններում։ ՀԱՊԿ-ն անընդունելի է համարում ուժի կիրառումը և բարձր է գնահատում ՌԴ միջնորդական ջանքերը շփման գծում հրադադարի պահպանման գործում:

ՀԱՊԿ Հավաքական անվտանգության խորհրդին ՀՀ-ին օգնություն ցուցաբերելու վերաբերյալ հայկական կողմի դիմումի կապակցությամբ կազմակերպության քարտուղարությունը ՀԱՊԿ միացյալ շտաբի հետ համատեղ կազմակերպել է իրավիճակի կարգավորման համար ՀԱՊԿ մեխանիզմների գործարկման աշխատանքներ»,-ասված է հայտարրաությունում։