Զախարովան Խովաևի Բաքու այցի մասին

Խոսելով Հայաստանի և Ադրբեջանի հետ Ռուսաստանի համագործակցության, հետկոնֆլիկտային կարգավորմանն ուղղված աշխատանքի մասին,անհրաժեշտ է նշել, որ ինտենսիվությունը ոչ թե նվազում է, այլ վերահաստատվում է։ Այս մասին ամենշաբաթյա ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Արտաքին գործերի նախարարության հատուկ ներկայացուցիչ Իգոր Խովաևն այս օրերին գտնվում է Բաքվում՝ քննարկելու խաղաղության պայմանագրի կնքման հնարավորությունը։ Առաջիկայում նա նույն նպատակով կայցելի Երեւան։

Ընդհանուր առմամբ, ռուսական կողմը առաջնահերթություն է տալիս եռակողմ հայտարարությունների իրականացմանը, այդ թվում՝ տրանսպորտային կապերի ապաշրջափակման, սահմանների սահմանազատման և սահմանագծման, Բաքվի և Երևանի միջև կապերի ամրապնդման հարցում»,- ասել է նա